Connect with us

Самое интересное на сайте

Тәжік жігітке тұрмысқа шыққан қазақ қызы: Бүкіл ауыл бізді қолдап, жалғыз әкем қарсы болды

Опубликовано

Түркістан облысына қарасты Жетісай аданының тұрғыны Эльмира Айтуғанова мен Шавкат Исматовтың шаңырақ көтеруі  тұрмысқа шығуы құдды бір үнді фильмдерін еске салады.

Сол кездегі Мақтарал ауданы, Зерделі ауылында өскен Эльмира күйеуі Шавкат Исматов бір көшеде тұрған. Жастары түйдей құрдас. Бір мектепте білім алған. Көркі көз тартарлық жасөспірімге жолдасының көзі 5-сынып оқып жүрген кезінде түсіпті. Алайда келіп, сөз айтуға дәті шыдамай жүреді. 7-сынып оқып жүрген кезінде жігерін жинап, Эльмирамен жақын танысуға бел буады. Алғашында көрші ретінде араласып жүріп, кейінірек  қызға сөз салады.

«Менің қызым боласың ба?»,- деді. Шынымды айтсам, оған дейін жігітпен жүріп көрмеген мен сөзді қалай салатынын да білмеймін ғой. «Жарайды, болайын ба?» деп жауап қаттым (күліп). Себебі үйдің үлкенімін, ол тақырыпта сырласатын жеңгелерім болмады» деп әңгімесін бастады 33 жастағы Эльмира Айтуғанова.

Шавкат Исматов — тәжік ұлтының азаматы. Орыс сыныбында білім алған. Алғашында олардың махаббатын туыстары мен көршілері балалық сезімге балап мән бермеген екен. Мектепті тәмамдаған олар Жетісай қаласына аттанып, оқуға түседі. Эльмира мұғалім болуды, Шавкат тіс дәрігері болуды армандайды. Оқу орнында білім алып жүріп те олар қыз бен жігіт болып кездесіп жүреді. Арадағы сезім үлкен махаббатқа ұласқанын сезгенде олар бір-бірі үшін жаратылған жандар екенін түсініп, шаңырақ көтеруге бел буады.

«Кез келген ұлттың өкілі балаларының өз ұлтымен шаңырақ көтергенін қалайды ғой. Бірақ, Шавкаттың ата-анасы маған қарсы болған жоқ. Тек менің ата-анам түбегейлі қарсы болды. Уақыт өтіп анам менің сезімімді түсінсе керек, батасын берді. Бірақ, әкемді көндіру қиынға түсті. Шавкат екеуміз де қалада оқудамыз. Оның туыстары үйге келіп, әкемнің батасын сұрап жүрді. Ол кісі келіспеді. Тіпті үйден қуып шығатын. Содан менің келісіміммен Шавкат алып қашатын болды», — деді тәжік шаңырағының келіні.

Қыз бен жігіт екеуара келісіп, өз бақыттары үшін тек осы жолмен ғана қол жеткізуге болатынын түсінеді. Алып қашатын күн белгіленіп, қазақ қызы ақ босаға аттайды. Кешірімге адамдар жіберіледі. Эльмира көшенің мына басында тұрса, Шавкат көшенің соңында тұрады. Кешірімге келген хабаршыларға үзілді-кесілді қарсы болған Эльмираның әкесі көшенің ортасына дейін жаяулатып шығып, қызын қайтып әкелуге тырысыпты. Күллі ауылдың үлкендері басу айтып, «Қызыңның бағыңды байлама» деп батасын ақыры алады. Қысқасы, күллі көшенің үлкендері жабылып жүріп ол кісіні көндіріпті. 

«Бүкіл ауыл біздің махаббаты қолдады, тек әкем ғана қарсы болды. Аллаға шүкір, бүгінде Шавкат төркінімнің сүйікті күйеу баласы. Бүгінде әкемнің өзі өткенді еске салмауымды, күйеуімнің көңіліне тиіп қалуы мүмкін деп кеңесін беріп отырады» деген Эльмира алғаш босаға аттағанда жаңа отбасы мүшелерінің қарым-қатынасы туралы да бөлісті.

«Жолдасым көпбалалы отбасында тәрбиеленген. Бес ұл, екі қыз. Жолдасым үйдің екінші ұлы болғанымен ағасынан бұрын үйленді. Яғни, мен шаңырақтың тұңғыш келінімін. Келін боп түсе сала енем «Тәжік ұлты келінге қатал, таңертең ерте тұрып, аула сыпыруы керек екен» деп ойлама. Өз қызымыздай қараймыз саған. Еш қысылмай жүре бер» деп бірден айтты. Бүгінде енеммен құрбыларша араласамыз. Керек десеңіз, ата-енемнің қолында тұратын кенже келін тәжіктің қызы. Кейде енем қазағыма жетпейді деп мақтап отырады. Бәлкім тұңғыш келін болған соң солай шығар. Оның үстіне мен тұрмысқа шықпай тұрып та ата-енемді таныдым. Өзімнің ата-анам олармен ауылдас ретінде араласты, талай дастархандас болған», — деді келіншек.

Жас жұбайлардың тойлары тек екі жыл өткен соң өтеді. Өйткені үйдің үлкен ұлының үйленгенін күткен екен. Екі ұлдың тойы бірге жасалынады. Бір атап өтерлігі, бұл той күндіз өткен. Бірақ, қазақтың барлық жоралғылары сақталған, асаба да қазақ тілінде той басқарыпты. Тіпті қазақ қызын келіндікке аларда күйеу жігіт жақ қалыңмал төлеп, беташар да жасаған. Балалы болғанда бесік той дүркіреп өткен. Осы ретте қалыңмал құны бізді қызықтырмай қоймады.

«2005 жылы шықтым ғой тұрмысқа. Бір қой мен 70 мың теңге берді. Ол кезде әжептеуір ақша болатын», — деді Эльмира.

«Мен келін боп түскен шаңырақ тәжік ұлты болғанымен, ол кісілер тәжікстандық емес. Керек десеңіз, ол елде туыстары да жоқ. Ата-бабаларының бәрі Қазақстанда тұрған. Сондықтан болар ол кісілер қазақ болып кеткен. Үйде де қазақша сөйлесеміз. Менен кейін екі келін де қазақтың қыздары» деп сөзін жалғады ол.

Отандасқандарына 13 жыл болған ерлі-зайыптылар қазіргі таңда бір қыз, екі ұл тәрбиелеп отырған бақытты ата-ана. Өз сөзінде қазақ қызы жолдасының айтуымен балалары жеке басын куәландыратын құжат аларда ұлты деген тұсқа «қазақ» етіп жаздыруды көздеп отыр.

«Балаларым ертең өскенде қиналып қалмаса екен. Бәрібір де өзге ұлт болсаң ертелі-кеш бөліну деген болады» дейді жолдасым. Балаларымыздың барлығының есімдері қазақша. Үлкенімізді қайын ағам қойды, қалған екі ұл: Асхат пен Раянның есімін жолдасым екеуміз қойдық. Тұңғышым атасы мен апасының қолында өсті. Кенжеміз дүниеге келгенде қолғабыс болсын деп өз қолымызға алдырдық» деген Эльмира Айтуғанова өз балаларының өзге ұлттың өкілімен шаңырақ көтеруіне еш қарсылығым жоқ деп отыр.

«Біз қаншама қарсылыққа қарамастан өз қалауымызбен шаңырақ көтердік. Меніңше кез келген адам екінші жартысын тек өзі таңдағаны дұрыс. Себебі онымен тұратын өзі, ата-анасы емес. Жүрек қалауы болды ма, таңдауын жасағаны абзал. Бұл шаңырақтың шайқалмауына да үлкен септігін тигізеді деп ойлаймын. Рас, отбасы болған соң кейде ренжісіп қалатын кездер болады. Бірақ, мен оны төркініме барып ешқашан айтпаппын. Жолдасым да солай. Неге? Себебі таңдауды өзіміз жасадық. Күйеуім балаларымыздың жар таңдауына өз қалауларына беремін деп отыр», — деді жетісайлық келіншек.

Дегемен ол өз сөзінде бұл арқылы қазақ қыздарына ешқандай да насихат жүргізгісі келмейтінін кесіп айтты.

«Менен кейінгі сіңлімді менімен ауылдағы бір мұғалім туысымен таныстырмақ болды. «Қарақалпақтың жігіті» деді. Мен үзілді-кесілді қарсы болдым. Сөйтсем кейін білдім, ол ұлты емес, руы сондай екен… Неге екенін білмеймін, сіңлімнің басқа ұлтқа шыққанын қаламадым және басқа қыздарға өзге ұлтқа шығыңдар деп насихат жүргізгім жоқ», — деді Эльмира.

Эльмира мен Шавкат кейбір ерлі-зайыптылар секілді көпбалалы ата-ана атану жоспарымызда жоқ дейді. Өйткені қазіргі заманда баланы бағу, тәрбиелеу оңай емес.

«Балаларымыз таршылықта өспесе екен дейміз. Қазір өздеріңіз білесіздер, күн көру оңай емес. Оның үстіне құлағына сырға тағып, шашын бояп алатын жастарды көріп, балаларымыздың болашағына да алаңдаймыз. Екіншім мен кенжемнің арасы он жас. Оның өзін аяқтан тұрып алайық деп жоспарладық. Бірақ, біздің дегеніміз емес, бәрі Алланың қалауы ғой» деп сөзін түйіндеді Эльмира Айтуғанова.

Қысқасы, үнді фильмдеріндегідей махаббат үшін күресте дегеніне жеткен жетісайлық ғашықтардың махаббат хикаясы осылайша өрбиді.   

Читать дальше

Новости

Жестокое убийство инкассаторов в Туркестанской области: полиция раскрыла преступление

Опубликовано

В Туркестанской области задержали подозреваемого в нападении на инкассаторский автомобиль и в убийстве двоих людей.

7 июня в нескольких километрах от города Арысь на инкассаторскую машину произошло нападение. Автомобиль вез 7,5 миллиона тенге, предназначенные для выплаты пенсий и пособий. Полиция начала поиск пропавших инкассаторов, когда они перестали выходить на связь. Спустя некоторое время оперативники нашли сначала брошенную машину на месте нападения, а затем трупы убитых мужчин в 35 километрах от города Арысь. Они погибли от огнестрельных ранений.

«В ходе оперативно-розыскных мероприятий установили личность подозреваемого и задержали его по месту жительства. Им оказался местный житель 1981 года рождения, коллега двух убитых инкассаторов. У задержанного изъяли охотничье ружье и похищенные деньги. Он дал признательные показания, что, находясь в отпуске, напросился по дороге доехать вместе с ними, а затем застрелил их и скрылся с деньгами. Мужчина подозревается в совершении преступлений по двум статьям УК РК: 99 «Убийство» и 192 «Разбой». Задержанный арестован. Все детали произошедшего будут установлены в ходе досудебного расследования», — сообщили в Департаменте полиции Туркестанской области.


Читать дальше

Новости

В Шымкенте взорвалась автоцистерна с газом. Есть пострадавший

Опубликовано

Сегодня днем в Шымкенте произошел крупный пожар. Возгорание произошло на территории газового хранилища в районе Тассай. Из-за угрозы взрыва на место происшествия были направлены все противопожарные силы и средства. Установлено, что на территории автомобильной газозаправочной станции ТОО «МУРАЗ» имеется 2 емкости хранения газа по 200 кубических метра каждая. Одна емкость горит открытым пламенем, сообщили в ДЧС Шымкента. Также на территории АГЗС взорвались 2 автоцистерны емкостью 7 кубометров и 2 автоцистерны по 50 кубометров. По официальным данным, есть один пострадавший. Мужчина с различными ожогами доставили в больницу. Пожар локализовали в 12.21. В тушении пожара принимали участие 21 единица техники и 90 человек личного состава.

Внимание: видео содержит нецензурную лексику. 

Читать дальше

Самое интересное на сайте

Шымкенттегі ит пен мысыққа арналған қонақ үй туралы не білеміз?

Опубликовано

Иә-иә, ешқандай да қалыс оқыған жоқсыз. Кәдімгі ит пен мысықтар «тынығатын орынды» дәл Шымкенттен табуға болады. Бұл қонақ үй жанында әсемдік (груминг) салоны, күндізгі емхана, тіпті зоодүкен де бар. Яғни, тұтастай жануарларға арналған кешен. Егер сізде ит пен мысығыңыз болса, осы қызметтің бәрін қаланы шарламай-ақ бір жерден алып кете аласыз.

Үйшік, жатын орын, тіпті желдеткішке дейін бар

Қонақ үй үш бөлімнен тұрады.  Оның бірі мысықтарға арналса, кейінгілері ірі төбеттер мен ұсақ тұқымды иттерге арналған. Әр бөлмеде үй жануарына арналған жатын орын, үйшік, ыдыс-аяқ пен өзге де қажеттіліктер қарастырылған. Тіпті кейде ит пен мысық иелері сүйікті жануарының жағдайы үшін ойыншықтарын да бірге алып келеді. Мұны қонақ үй қызметкерлері келген үй жануарының бірнеше күннен соң өз иелері мен мекен еткен үйіне деген сағынышының алдын алады деп түсіндірді. Яғни, ойыншықтармен алаңсыз ойнап, өз үйінде жүргендей сезінеді екен. Айтпақшы, қонақ үйде желдеткіш те орнатылған. Осы ретте мұндағы баға туралы мәлімет сізді де қызықтырып отырған болу керек. Мысықтар үшін тәулігіне 1000 теңге, ал иттерге 1500 теңге алынады.  Бұл бағаның ішінде тазалық шаралары, күндізгі серуен, тамақтандыру секілді қызметтер кіреді. Ал олардың тағамын иелері өздерімен бірге алып келуі қажет. Себебі әр жануардың өзінің тамақтану рационы болады.

Әрбір ит пен мысық жеке бақылауға алынады

«Біз әрбір келген ит пен мысыққа ерекше назар аударамыз. Оларды серуендету үшін ауламыз да бар. Таза ауада серуен кезін де жекелей бақылаймыз. Себебі бәрін бірден аулаға шығарсақ, бір-бірімен ырылдасып қалуы мүмкін. Әсіресе үшінші-төртінші күн өткенде оларға ерекше тәсілмен мән беруге тырысамыз. Неге дейсіз ғой? Өйткені олар иелерін сағына бастайды. Тіпті кейбірінің көңіл күйі болмай, қамаулы тұрған бөлмесінен шықпай қояды», — деді қонақ үй қызметкерлері.

«Зооветсервис» кешенінің әкімшісі Нина Ивановна келушілердің әрбірінің өзіндік мінезі болатынын алға тартты. Бірі ойынды жақсы көрсе, енді бірі сабырлы келеді. Оны қонақ үйге өткізерде иелері айтады екен. Соған қарай күтім де жүргізіледі.

Қонақ үйге жылдың жаз мезгілінде келушілер көбейе түседі. Дәл сол уақытта көбі еңбек демалысына шығып, шет ел асып жатады. Кейбірі өзге қалаларға кетеді. Енді бір өзге де шаруаларымен жүреді. Сондай сәтте тұрғындар ит пен мысықтарын осы жерге алып келуді құп көреді. Қонақ үйде апталап, кейде бірнеше ай қонақ болатындар бар. Тек жаз ауасы емес, жыл он екі ай да бұл жерді мекен ететіндер жоқ емес.

«Қонақ үйдің ашылуының өзі қажеттіліктен туындады. Кешеннің бас дәрігері демалысқа кететін болып, үйіндегі үй жануарларын қалдыратын жер болмаған. Ол кісі бірнеше жануарды ұстайды. Күні бүгінге дейін бізге 787 келуші болды», — деп әңгімесі жалғаған кешен әкімшісі мына бір клиент туралы айтып берді.

Футболшының күшігі – тұрақты клиент

«Ордабасы» футбол клубында Сербиядан келген футболшы болды. Ол осында келісімшартпен ойнаған. Соның өте сүйкімді күшігі болды. «Мальтийская болонка» деп аталатын тұқымнан. Футболшыларды өзіңіз де білесіз ғой, үнемі жарыстарда жүреді. Сол күшік біздің тұрақты келушіміз еді. Бірақ өкініштісі,  күшікті Сербияда көлік қағып кетіпті», — деді Нина Ивановна.

«Вечерний ургант» жобасын көретін «Мадам» мысығы

Алматылық бір келіншек Шымкентке қонаққа келіп, біраз шаруаларын тындырып алмақ болып бірнеше күнге мысығын өткізеді. «Мадам» есімді мысық өзінің сылқымдылығымен қызметкерлердің есінде сақталып қалыпты. Ең қызығы, «Мадам» күн сайын кешкілік уақытта ресейлік «Вечерний ургант» жобасын көрмей ұйықтамайды екен. Өзінің IPad  планшеті — нағыз ойыншығы. Сол арқылы жобаны күн ұзаққа қарап отырады. Осыдан кейін кешен иесі қонақ үйдің әрбір бөлмесіне бір-бір планшеттен алуды көздепті. Бірақ кейінірек ол ойын өзгерткен.  

Ерекше айта кетерлігі, бұл зоологиялық кешенде иелері алып келіп, кейін хабарсыз кететіндері де бар. Оларды қызметкерлер өздеріне қалдырады. Мәселен, алты жастағы «Қазанбас» есімді төбет солардың бірі. Екі айлық кезінде емханаға ауыр сырқатпен келіп түскен оны иесі  өлтіре салыңдар деген екен. Бірақ, бас дәрігер кішкентай ғана күшікті емдеп, екінші өмір сыйлаған. Айтпақшы, емханаға ит пен мысықтарға отаның кез келген түрі жасалынады. Осы ретте кешен әкімшісі Нина Ивановна кей тұрғындарда жануарларға деген мейірімділік жоғалып барады деп қынжылды. Айтуынша, үйінде ит немесе мысық асырайтындар дұрыс күтпейді. Уақытысында егу жұмыстарын жасатпайды. Салдарынан жануар аурушаң болады. Тіпті кейде ит пен мысығын көшеге қалдырып, қатыгездік танытандар да көп деген ол жануарға кішкентай бала секілді күтім жасау керектігін алға тартты.

Әсемдік салонында Ресейде білім алған грумер еңбек етеді

Зоологиялық кешендегі груминг салоны туралы әңгіме тым бөлек. Ресейде білім алып келген грумер маманы Екатерина Мауэр ит пен мысық иелерінің талаптары жоғары деп отыр. Тек иелері емес, үй жануарының өздері де мінезді болып келеді екен. Шомылдырарда грумер маманына әлі үйренісе қоймағандары жатырқап жатады. Орынсыз мияулап немесе үріп мазаны алады. Бірақ маман мұны уақытша дейді. Уақыт өте үйренісіп, өз туысындай қабылдайды екен.

«Әсемдік салонында жүн қырқу, шомылдыру, «фенмен» кептіру, тарау, құлақтарын тазалау, тіпті тырнақтарын қысқартып, «жасанды тырнақ» та жабыстырып береміз. «Жасанды тырнақ» жиһаздарды бүлдірудің алдын алады. Яғни, табиғи тырнаққа пластмассадан жасалынған қалпақша жабыстырылады. Осы уақытқа дейін түрлі клиентті кездестірдім. Алғаш рет келгендер ит пен мысығының мінез-құлқын, талғамын айтады. Соған қарай қызмет көрсетеміз. Алғашында жатырқағандары кейінірек үйренісіп, тіпті біздің қызметімізге риза болып, ұзақ қоштасады. Бетімізден сүйіп, көздерінен балбұл жайнаған әсерін де байқаймыз», — деді грумер.

Айтпақшы, әсемдік салонында шамунь мен бальзам, иіссулар мен түрлі жақпаларға дейін итальяндық «Милорд» компаниясының өнімдері қолданылады. «Біз үшін бірінші кезекте сапа» деген Екетарина Мауэр өз қызметінің құны ит пен мысықтың салмағы мен көлеміне қарай өзгеріп отыратынын айтты. Мәселен, мысықты шомылдырып, кептіру, жүнін қырқу, құлағын тазалау ақысы 3500 теңгеден, дәл сол қызмет түрлері иттер үшін 4500 теңгеден басталады. Грумер қызметіне жылдың жаз бен көктем мезгілдеріне сұраныс жоғарылай түседі. 

Читать дальше

Популярное

Незаконное копирование материалов запрещено. Перепубликации возможны при условии активных ссылок на источник материалов не более 30 процентов копирования.

© Барлық құқықтар сақталған.