Connect with us

Самое интересное на сайте

Ғабидолла Әбдірахымов: «Халық әйел секілді жылу мен махабатты қалайды»

Опубликовано

Астанадағы орталық коммуникациялар қызметінде өткен брифингте Ғабидолла Әбдірахымов халықты кімге және неліктен теңейтінін атап өтті.

«Мен халықты әйел азаматына теңеймін. Өздеріңіз білесіздер, кез келген әйел қамқорлықты, махаббатты қалайды. Жылулық пен өзіне көңіл аударғанын ұнатады. Егер оған дер кезінде осыларды бермесең, олар тіпті көтеріліс жасауы мүмкін. Мен халыққа да тура сондай қарым-қатынас жасау керек деп ойлаймын», — деді Әбдірахымов.

Бұдан өзге Шымкент басшысы қалада келер жылы толығымен велосипед жолдарының инфраструктурасы жүргізілетінін атап өтті. Себебі велосипедпен жүру алдымен денсаулық үшін аса пайдалы, екіншіден: халық қалтасына ыңғайлы. Сонымен қатар көлік тұрағын іздеп, сандалмайсың. Ал ол үшін алдымен жағдай жасау керек, қауіпсіздік шаралары жүргізілуі қажет. Қала билігі  осы жайтты басты назарға алып отыр және қала басшысы көлігінен бас тартып, жұмысқа күнделікті велосипедпен барып келуге дайын екенін айтты.

«Қазір қыс ауасы, күн жылығанда мен толығымен велосипедке отырамын және менің қол астымдағы қызметкерлер де солай жасайды деген сенімдемін. Себебі біз бұған дейін қызметтік көліктен бас тартып, әкімдік қызметкерлері (басшылық құрам) түгелімен қоғамдық автобусқа отырды. Менің тарапымнан ұсыныс түсті және олар қолдады. Біз Шымкентті велосипедті қалаға айналдырғымыз келеді. Қаладағы барлық жас осы бір көлік құралын пайдаланса дейміз. Шымкент — жылы қала, бізде қыс екі-ақ айға созылады. Қалған уақытта күн ауасы жылы. Болашақта велосипед қала халқының басым көпшілігінің тасымал құралына айналады деген ойдамын. Негізі велоспедпен жүру – нағыз ләззат қой», — деп атап өтті ол.

Шымкент «мэрі» брифинг барысында бұрын-соңды болмаған жұмыс әдісімен бөлісті. Бұған дейін шымкенттіктер тек айына бір рет қала әкімінің қабылдауына кіруге мүмкіндік алып келсе, енді Әбдірахымов халықты айына төрт рет, яғни, аптаның әр жұмасында қабылдауға дайын екенін жеткізді. Ол үшін арнайы бөлме де қарастырылып қойған.

Сондай-ақ Шымкент әкімі алдағы уақытта шымкенттік әрбір тұрғынның  ID картасы болатынын мәлімдеді. Ол карта қоғамдық автобус, автотұрақ, кітапхана секілді кез келген қызмет түрін қала қонақтарына қарағанда төмендетілген бағамен алуға жағдай жасайды. Бұл қала халқының қалтасына салмақ салмаудың жолы болмақ. Және де Шымкентті қауіпсіз қалаға айналдыру мақсатында шаһар билігі  елу мыңдай бақылау камераларын орнатуды жоспарлап отыр. Яғни, бұл кез келген тұрғын мен қонақтың қай уақытта қайда болғанын бақылап отыруға мүмкіндік береді. Сәйкесінше шаһарда орын алатын қылмыстың алдын алу және оны дер кезінде ашуға да септігін тигізбек.

Тағы бір жаңалық, Шымкенттің Төлеби ауданынан кіреберіс аумағына алдағы уақытта гольф  алаңы  салынатын болды. Әкімнің айтуынша, гольф — қымбат ойын түрлерінің бірі, демек табысты бизнес және шетелден туристерді көптеп тартудың төте жолы.

Соңғы кезде шымкенттіктер арасында жиі талқыланып жүрген балалар темір жолы мәселесі де брифингте сөз етілді.

«Неге екенін білмеймін, осы мәселе көпті мазалайды. Әсіресе елу жастан асқан тұрғындарды. Әрине, олардың балалық шағы сол темір жолда өткен, сондықтан сезімін түсінемін. Бірақ, ол осыдан 20-30 жыл бұрын болған. Қазіргі балалар үшін темір жол қызық па? Меніңше, балалардан соны сұрап көру керек. Негізі темір жол қазір жоқ, жан-жағына үйлер салынған, жартысы қолды болған. Біз бұл жобаны қолға аларда велосипед және жүгіру жолдарын салу жобасын жасаймыз деп ұсындық. Балалар темір жолына қатысты халық арасында онлайн дауыс беруді жүргізбекпіз. Халық керек десе, жақсы. Тек тұрғындар білуі керек, балалар темір жолын қайта қалпына келтіруге қарағанда мен айтып өткен жоба екі есе арзан», — деді Ғабидолла Әбдірахымов.

Самое интересное на сайте

Шымкенттегі ит пен мысыққа арналған қонақ үй туралы не білеміз?

Опубликовано

Иә-иә, ешқандай да қалыс оқыған жоқсыз. Кәдімгі ит пен мысықтар «тынығатын орынды» дәл Шымкенттен табуға болады. Бұл қонақ үй жанында әсемдік (груминг) салоны, күндізгі емхана, тіпті зоодүкен де бар. Яғни, тұтастай жануарларға арналған кешен. Егер сізде ит пен мысығыңыз болса, осы қызметтің бәрін қаланы шарламай-ақ бір жерден алып кете аласыз.

Үйшік, жатын орын, тіпті желдеткішке дейін бар

Қонақ үй үш бөлімнен тұрады.  Оның бірі мысықтарға арналса, кейінгілері ірі төбеттер мен ұсақ тұқымды иттерге арналған. Әр бөлмеде үй жануарына арналған жатын орын, үйшік, ыдыс-аяқ пен өзге де қажеттіліктер қарастырылған. Тіпті кейде ит пен мысық иелері сүйікті жануарының жағдайы үшін ойыншықтарын да бірге алып келеді. Мұны қонақ үй қызметкерлері келген үй жануарының бірнеше күннен соң өз иелері мен мекен еткен үйіне деген сағынышының алдын алады деп түсіндірді. Яғни, ойыншықтармен алаңсыз ойнап, өз үйінде жүргендей сезінеді екен. Айтпақшы, қонақ үйде желдеткіш те орнатылған. Осы ретте мұндағы баға туралы мәлімет сізді де қызықтырып отырған болу керек. Мысықтар үшін тәулігіне 1000 теңге, ал иттерге 1500 теңге алынады.  Бұл бағаның ішінде тазалық шаралары, күндізгі серуен, тамақтандыру секілді қызметтер кіреді. Ал олардың тағамын иелері өздерімен бірге алып келуі қажет. Себебі әр жануардың өзінің тамақтану рационы болады.

Әрбір ит пен мысық жеке бақылауға алынады

«Біз әрбір келген ит пен мысыққа ерекше назар аударамыз. Оларды серуендету үшін ауламыз да бар. Таза ауада серуен кезін де жекелей бақылаймыз. Себебі бәрін бірден аулаға шығарсақ, бір-бірімен ырылдасып қалуы мүмкін. Әсіресе үшінші-төртінші күн өткенде оларға ерекше тәсілмен мән беруге тырысамыз. Неге дейсіз ғой? Өйткені олар иелерін сағына бастайды. Тіпті кейбірінің көңіл күйі болмай, қамаулы тұрған бөлмесінен шықпай қояды», — деді қонақ үй қызметкерлері.

«Зооветсервис» кешенінің әкімшісі Нина Ивановна келушілердің әрбірінің өзіндік мінезі болатынын алға тартты. Бірі ойынды жақсы көрсе, енді бірі сабырлы келеді. Оны қонақ үйге өткізерде иелері айтады екен. Соған қарай күтім де жүргізіледі.

Қонақ үйге жылдың жаз мезгілінде келушілер көбейе түседі. Дәл сол уақытта көбі еңбек демалысына шығып, шет ел асып жатады. Кейбірі өзге қалаларға кетеді. Енді бір өзге де шаруаларымен жүреді. Сондай сәтте тұрғындар ит пен мысықтарын осы жерге алып келуді құп көреді. Қонақ үйде апталап, кейде бірнеше ай қонақ болатындар бар. Тек жаз ауасы емес, жыл он екі ай да бұл жерді мекен ететіндер жоқ емес.

«Қонақ үйдің ашылуының өзі қажеттіліктен туындады. Кешеннің бас дәрігері демалысқа кететін болып, үйіндегі үй жануарларын қалдыратын жер болмаған. Ол кісі бірнеше жануарды ұстайды. Күні бүгінге дейін бізге 787 келуші болды», — деп әңгімесі жалғаған кешен әкімшісі мына бір клиент туралы айтып берді.

Футболшының күшігі – тұрақты клиент

«Ордабасы» футбол клубында Сербиядан келген футболшы болды. Ол осында келісімшартпен ойнаған. Соның өте сүйкімді күшігі болды. «Мальтийская болонка» деп аталатын тұқымнан. Футболшыларды өзіңіз де білесіз ғой, үнемі жарыстарда жүреді. Сол күшік біздің тұрақты келушіміз еді. Бірақ өкініштісі,  күшікті Сербияда көлік қағып кетіпті», — деді Нина Ивановна.

«Вечерний ургант» жобасын көретін «Мадам» мысығы

Алматылық бір келіншек Шымкентке қонаққа келіп, біраз шаруаларын тындырып алмақ болып бірнеше күнге мысығын өткізеді. «Мадам» есімді мысық өзінің сылқымдылығымен қызметкерлердің есінде сақталып қалыпты. Ең қызығы, «Мадам» күн сайын кешкілік уақытта ресейлік «Вечерний ургант» жобасын көрмей ұйықтамайды екен. Өзінің IPad  планшеті — нағыз ойыншығы. Сол арқылы жобаны күн ұзаққа қарап отырады. Осыдан кейін кешен иесі қонақ үйдің әрбір бөлмесіне бір-бір планшеттен алуды көздепті. Бірақ кейінірек ол ойын өзгерткен.  

Ерекше айта кетерлігі, бұл зоологиялық кешенде иелері алып келіп, кейін хабарсыз кететіндері де бар. Оларды қызметкерлер өздеріне қалдырады. Мәселен, алты жастағы «Қазанбас» есімді төбет солардың бірі. Екі айлық кезінде емханаға ауыр сырқатпен келіп түскен оны иесі  өлтіре салыңдар деген екен. Бірақ, бас дәрігер кішкентай ғана күшікті емдеп, екінші өмір сыйлаған. Айтпақшы, емханаға ит пен мысықтарға отаның кез келген түрі жасалынады. Осы ретте кешен әкімшісі Нина Ивановна кей тұрғындарда жануарларға деген мейірімділік жоғалып барады деп қынжылды. Айтуынша, үйінде ит немесе мысық асырайтындар дұрыс күтпейді. Уақытысында егу жұмыстарын жасатпайды. Салдарынан жануар аурушаң болады. Тіпті кейде ит пен мысығын көшеге қалдырып, қатыгездік танытандар да көп деген ол жануарға кішкентай бала секілді күтім жасау керектігін алға тартты.

Әсемдік салонында Ресейде білім алған грумер еңбек етеді

Зоологиялық кешендегі груминг салоны туралы әңгіме тым бөлек. Ресейде білім алып келген грумер маманы Екатерина Мауэр ит пен мысық иелерінің талаптары жоғары деп отыр. Тек иелері емес, үй жануарының өздері де мінезді болып келеді екен. Шомылдырарда грумер маманына әлі үйренісе қоймағандары жатырқап жатады. Орынсыз мияулап немесе үріп мазаны алады. Бірақ маман мұны уақытша дейді. Уақыт өте үйренісіп, өз туысындай қабылдайды екен.

«Әсемдік салонында жүн қырқу, шомылдыру, «фенмен» кептіру, тарау, құлақтарын тазалау, тіпті тырнақтарын қысқартып, «жасанды тырнақ» та жабыстырып береміз. «Жасанды тырнақ» жиһаздарды бүлдірудің алдын алады. Яғни, табиғи тырнаққа пластмассадан жасалынған қалпақша жабыстырылады. Осы уақытқа дейін түрлі клиентті кездестірдім. Алғаш рет келгендер ит пен мысығының мінез-құлқын, талғамын айтады. Соған қарай қызмет көрсетеміз. Алғашында жатырқағандары кейінірек үйренісіп, тіпті біздің қызметімізге риза болып, ұзақ қоштасады. Бетімізден сүйіп, көздерінен балбұл жайнаған әсерін де байқаймыз», — деді грумер.

Айтпақшы, әсемдік салонында шамунь мен бальзам, иіссулар мен түрлі жақпаларға дейін итальяндық «Милорд» компаниясының өнімдері қолданылады. «Біз үшін бірінші кезекте сапа» деген Екетарина Мауэр өз қызметінің құны ит пен мысықтың салмағы мен көлеміне қарай өзгеріп отыратынын айтты. Мәселен, мысықты шомылдырып, кептіру, жүнін қырқу, құлағын тазалау ақысы 3500 теңгеден, дәл сол қызмет түрлері иттер үшін 4500 теңгеден басталады. Грумер қызметіне жылдың жаз бен көктем мезгілдеріне сұраныс жоғарылай түседі. 

Читать дальше

Самое интересное на сайте

Аким Шымкента зарезал барана на праздновании Наурыза

Опубликовано

Празднование  Наурыза в Шымкенте началось на берегу реки Кошкар-ата. Аким города Габидулла Абдрахимов принес барана в жертву. 

Наурыз шымкентцы начали праздновать на берегу реки Кошкар-ата.  Здесь проводились национальные обряды и массовые гулянья.

У истока реки были установлены три большие юрты, в каждом из них по обычаю готовили национальные блюда и накрывали дастархан. Тонну баурсаков приготовили для сегодняшнего праздника. Но главным угощением на столе был наурыз-коже. На берегу Кошкар-аты сегодня приготовили 300 литров этого блюда.

Пришедший поздравить горожан аким Габидулла Абдрахимов участвовал в обряде жертвоприношения — несколько человек зарезали барана на Наурыз. Абдрахимова также попросили провести обряд «тусау кесу» — чиновник по традиции «перерезал путы» годовалой девочке и пожелал ей счастливого будущего. 

Национальные игры — куресу (борьба) и кошкар-котеру (состязание по поднятию барана) — являются неотъемлемой частью праздника Наурыз. Джигиты мерились силами и по очереди поднимали барана весом более 40 кг. Самым сильным в состязании признали мужчину, сумевшего поднять животное на плечах более сотни раз.

Пожилые гости праздника пели национальные песни. На праздник привезли беркутов, лошадей и верблюдов. 

Читать дальше

Самое интересное на сайте

Түркістан облысында көлік апатынан 3 бала мен ер кісі мерт болды

Опубликовано

Оқиға бүгін Шымкент-Самара тас жолының 115 шақырымында, яғни, Түркістан облысында орын алған. ​Daewoo Nexia және Hyundai Starex минивэн жеңіл автокөлігі соқтығысты. Екі көліктің соқтығысуы салдарынан 5 жастағы екі бүлдіршін мен 15-тегі жасөспірім ауруханаға барар жолда көз жұмды. Апат орын алған жерге Түркістан облыстың полиция департаментінің басшысы барды. Бұл туралы ҚР ІІМ хабарлады. 

«Ірі көлік апатынан соң зардап шеккендер дереу ауруханаға жеткізілді. Өкінішке орай үшеуі қайтыс болды. Тағы екі ер кісі, яғни, екі жүргізуші медицина мекемесіне ауыр халде түсті. Оның біреуі ауруханада көз жұмды» делінген ведомство хабарламасында.   

Читать дальше

Популярное

Незаконное копирование материалов запрещено. Перепубликации возможны при условии активных ссылок на источник материалов не более 30 процентов копирования.

© Барлық құқықтар сақталған.