Connect with us

Новости

Шымкентте 10 діни қызметкер аттестациядан құлады

Опубликовано

Екі күнге созылған аттестацияға Шымкент қаласы бойынша 280 дін қызметкері қатысты. Арасында керекті межеге жетпей, өзінің білімін дәлелдей алмағандар да бар. Бес жылда бір келетін тесттің межелеген балын 10 қызметкері жинай алмады. Аттестациядан өтуге: мешіт, медреседегі мамандар, сонымен қатар, имам, наиб имам, молда, азаншы, ұстаздар міндетте деп танылған. Нәтижесінде, Шымқаланың көрсеткіші республика бойынша Алматыдан кейін екінші орынға тұрақтаған. Сонымен, Шымкент қаласы имамдарының нәтижесі мынадай:

Шымкенттік дін қызметкерлерінің ішінде ең жоғары көрсеткіш – 117 ұпай, ал жалпы екі кезең бойынша ең жоғары ұпай — 120

100 — 120 ұпай аралығында жинағандар — 24 адам
80 — 100 аралығында — 90 адам
60 — 80 аралығында — 67 адам
Басқалары бұдан да төмен ұпай жинаған

Алла үйінің қызметкерлері қандай сұрақтардан сүрінді? 

Күн сайын көпшілікпен кездесіп, уағыздарымен, қасиетті сөздерімен елдің сүйіспеншілгіне бөленіп жүрген Алла үйінің қызметкерлері Ата Заңымыз бойынша келген сұрақтардан қиналған. Мұны ҚМДБ өкіл имамы, Шымкент қаласының бас имамы Бақтыбай Қыдырбайұлы мәлімдеді.

«Кез келген имам 3 нәрсеге негізделіп жұмыс істейді. Бірінші – ҚР Конституциясын білу керек. Біздің мүфтият өлшемі бойныша, заңды білмей, оған қайшы тірлік жасайтын имам дұрыс бағыттағы имам болып саналмайды. Ал біздің заңымыздың дінге қайшы жері жоқ, ол – халық үшін жасалған дүние. Сондықтан дін қызметкерлі түгелдей заңды білу керек, оны құрметтеуі тиіс. Екінші — ҚМДБ жарғысы, үшінші – мешітте жұмыс істеу ережесі. Осы үш нәрсені жатқа біліп, оны түсініп, амал жасаған имам дұрыс бағытта жүр деген сөз», — дейді Бақтыбай Қыдырбайұлы.

Сынақтан өте алмай қалғандар не істейді?

«Бұл аттестацияның мақсаты — дін қызметкерлерін жұмыстан шығару, олардың абыройын түсіру емес, керісінше олардың білімінің деңгейін анықтап, кемшін түскен жерлерін жетілдіру. Оның жұмысына қарқын беру. Қортынды бағасының өзінде де мына азамат отырған қызметіне лайықты екен,әрі лайықты лауазымын көтеруге тұрарлық екен, лайықты емес деген қортынды бағалар шықты», — деді Шымкенттің бас имамы.

Аттестация имамдардың қай бағытта әлсіз, қай бағытта біліктілігін арттыратын курсқа жіберу керектігін көрсетіп берді. Яғни, аттестация әр қаладағы өкіл имамдарға үлкен жауапкершілікті жүктеп отыр. «Бізде 10 адам өте алмай қалды. Оны жазаламаймыз, әріптесіміз, көпшілктің адамы, құрметке ие болған азамат. Сондықтан көп болып көмектесеміз. 1 айдан кейін аттестацияны қайта тапсыру мүмкіндігі бар. Қателігі бетіне айтылады, әрине. Енді олар басқаларға қарағанда 10 есе көбірек еңбетенуі тиіс. Ондай талапқа көнбесе, қайта тапсырудан бас тартып жатса, «бұл салада өсіп келе жатқан жастар бар, дінде қызмет ететіндердің саны артып келе жатыр, соларға орын бер» деп айтуға мәжбүр боламыз», — деп қосты.

Аттестация имамдарымызды ширатып, Алла разылығы үшін ел игілігі жолында қызмет етуге жігер сыйлады, санасында сілкініс тудырды. Талап күшейсе, тәртіп орнайды. Сондықтан аттестация 5 жылда бір рет емес, 3 жылда бір рет өтсе деген ұсынысы барын да жасырып қалмады.

Новости

Қызылордадағы тікұшақ апаты: Қаза тапқан әскери қызметкердің денесі Шымкентке жеткізілді

Опубликовано

Қызылорда облысында орын алған тікұшақ апаты салдарынан қаза тапқан әскери қызметкер, майор Сабыр Тоқбаевтың денесі Шымкентке жеткізілді, деп хабарлайды zynqala.kz тілшісі.

Шымкентте 55652 әскери әуе бөлімінде — қаралы күн. Таң азанымен әскеришілер қызмет барысында қаза болған  майор Сабыр Тоқбаевтың мәйітін күтіп алуға жиналды.

Оқу-жаттығу жұмысымен іссапарға кеткен әріптестерінің өзі емес, денесі оралғанына әлі де сене алар емес.

«Майор Сабыр Тоқбаевпен көп жылдан бері қызметтес болдым. Ол туралы тек жақсы естеліктер айта аламын. Өзінің қол астындағы жеке құрамға үнемі қамқор бола білді. Тек әріптестерін емес, олардың отбасының жағдайын да бақылауда ұстап, әрдайым көмегін аямайтын. Соңғы рет онымен тікұшақ апатқа ұшыраған күні сөйлестім. Мен мұндағы жұмыстарды баяндағаным сол, «Біз жолға шықтық. Қазір барып қаламыз» деген болатын. Апаттың орын алғаны туралы хабарды 27 наурызда кешкі жетілер шамасында естідік. Соңғы борттан хабар келгенше аман қалды деп үміттендік. Шынымды айтсам, майор Тоқбаевтың енді ортамызда жоқ екеніне әлі де сене алар емеспін»,-деді 55652 әскери бөлімінің майоры Бауыржан Молдабаев.

Марқұмның табыты түскі сағат 13.00-ге жоспарланған болатын. Алайда Қызылордада тікұшақ апаты кезінде қаза болғандардың денелерін туған еліне жөнелту  жұмыстары созылып, шымкенттік марқұм әскери қызметкердің денесі түскі 15.00-тен өте Қорғаныс министрлігінің әскери ұшағымен жеткізілді.

Әскери қызметкердің денесін ҚР Қорғаныс министрлігінің Бас штабы басшысының орынбасары, генерал майор Мұхамеджан Таласов алып келді.

«Еліміз нағыз патриотынан, отанының адал ұлынан айырылды. Бұл — біз үшін орны толмас қайғы. Майор Сабыр Тоқбаев ақтық демі шыққанша әскери борышын адал орындады. Бұл қайғылы жағдайды Елбасымыз және Президентіміз өз бақылауларына алды. Министрлік тарапынан марқұмның отбасына материалдық көмек беретін боламыз. Барлық жеке құрам атынан Сабыр Тоқбаевтың отбасына көңіл айтамын»,-деді Қорғаныс министрлігінің өкілі.

Шымкентке ұшақпен жеткізілген әскери қызметкердің денесі отбасына табысталды.

42 жастағы Сабыр Тоқбаев бала күнінен әскери қызметкер болып, отаныма адал қызмет етсем деп армандап өскен екен. Туысы әрі бала күнінен бірге өскен досы Рақым Құрбанқұл бұл қайғылы жағдайда естігенімде төбемнен жай түскендей қаралы хабарды қабылдай алмадым деді.

«Тікұшақтың апатқа ұшырағанын түнгі он екілер шамасында естідім. Бізге жеткен мәлімет бойынша, тікұшақтың артқы тұсынан өрт шығып, салдарынан борттағылар шамамен бір жарым шақырымдық биіктіктен жерге секіруге мәжбүр болыпты. Өкінішке орай, ешкім аман қалмаған. Сабырдың денесі соңғылардың бірі болып алқаптан табылыпты… Сабыр Тоқбаев отбасында жалғыз ұл, екі қарындасы бар. Соларға бас-көз болып, үнемі көмегін аямайтын. Тек бауырлары емес, туыстарына да ашық-жарқын бейнесімен мәңгі есте қалмақ… Жоспарлары өте көп болатын. Мал шаруашылығымен айналыссам, сол саланы дамытсам деуші еді. Екеуміз сол кәсіптің алғашқы қадамын бастап та қойып едік. Өзіме туған бауырымдай болып кеткен досымнан айырылып қалдым…» деп көзіне ерік берді марқұмның туысы.

Айта кетейік, майор Сабыр Тоқбаевтың артында жұбайы мен жеті ұл-қызы қалды. Қара жамылып отырған оның жұбайымен тілдесе алмадық. Қайын атасы бізбен сөйлесуге келісімін берді.

«Еліміз үшін үлкен қайғылы жағдай орын алды. Әп-сәтте елім деп жүрген он үш әскери қызметкеріміз шейіт болды. Марқұмдардың отбасына көңіл айтамын. Майор Сабыр Тоқбаевты арманы асқақ азаматтардың бірегейі, деп айтар едім. Әрбір жасаған ісіне тыңғылықты, аса жауапкершілікпен қарайтын.  Артында шеттей балалары мен жары қалды. Осы ретте мемлекет оларды қамқорлығына алса , жәрдем берсе деймін. Себебі Сабыр отбасындағы жалғыз асыраушы болатын»,-деді марқұмның  жұбайының әкесі Әбдіәшім Ерешұлы.

Шымкент қаласы, Абай ауданы әкімінің орынбасары әкімдік тарапынан марқұмның отбасына материалдық көмектің берілетінін айтты. Тек әзірге қандай қолдау көрсетілетіні әл нақтыланбапты.

Ақпарат ретінде айтайық, қызмет барысында қаза тапқан майор Сабыр Тоқбаевтың ақтық сапарға шығарып салу рәсімі ертең, яғни, 31 наурыз күні өз үйінде өтеді.

Еске салсақ, 27 наурыз күні Қызылорда облысының Жалағаш ауданында әскери әуе күштерінің МИ-8 тікұшағы апатқа ұшырап,  өртеніп кетті. Тікұшақ Ақтау қаласынан Шымкентке ұшып бара жатқан. Ұшу сапары арнайы бөлімшелердің «Алтын жебе» кешенді оқу-жаттығуы аясында күрделі метеорологиялық жағдайда жүргізілген. Бортта болған 13 қызметкер түгелдей мерт болды. Олардың ең жасы – 24 жастағы ұшқыш, лейтенант Аслан Айтбаев.

Читать дальше

Новости

2000 литров наурыз-коже приготовили в Туркестане

Опубликовано

Сегодня в Туркестане с особым размахом отметили День Великого Улуса — Наурыз. В торжественном мероприятии принял участие аким области Умирзак Шукеев, который поздравил жителей и гостей региона с праздником.

«В Туркестанской области празднование Наурыза началось 14 марта. Каждый день в нашей области были организованы различные мероприятия, высажены саженцы деревьев, проведены работы по озеленению и благоустройству города. Я призываю вас всех внести свой вклад в процветание Туркестана. От всей души поздравляю вас со светлым и великим праздником Наурыз мейрамы!», — сказал Умирзак Шукеев.

В праздничном мероприятии, прошедшем на площади Есим Хан приняли участие около 2000 человек, в том числе популярные артисты, студенты, жители и гости города. Кроме того, было показано театрализованное представление о весеннем празднике, а в юртах, установленных в этноауле накрыли богатые дастарханы, гостей угощали национальными блюдами.

Наряду с этим, для гостей приготовили 2000 литров наурыз коже и 1,5 тонны плова. Кроме того, была организована выставка изделий, изготовленных мастерами народных ремесел.

Информация пресс-службы акимата Туркестанской области. 

Читать дальше

Новости

Шымкенттегі «Южный» балмұздағы қайта сатылып жатыр

Опубликовано

Былтыр шымкенттіктер «Южный» балмұздағын жеп, жаппай уланып қалған еді. 150-ден аса тұрғын дәл осы уақытта ауруханадан шыққан болатын. Кәсіпкер жауапқа тартылып, сот шешімімен 1 жылға бас бостандығынан айрылғаны да есте. Сондай-ақ, қоғамдық тамақтану бағытында кәсіпкерлікпен айналысуына 3 жылға дейін шектеу де қойылған болатын.

Ал биыл, сұранысқа ие балмұздақ сататын дүңгіршекті екінші біреу жалға алып, ісін бастап кетіпті. Құжаттарын да құнттап, барлық санитарлық талапты сақтап отырғанын жеткізді. Есесіне, қоғамдық денсаулық сақтау департаментінің мамандары бұл істен бейхабар.

Қоғамдық орындағы тамақтанудың талабын қадағалаушылар биыл жеті дүйгіршекті жауып, балмұздақ сатуға тыйым салғандарын жеткізді. Санитарлардың талабын сақтамай балмұздақ сатып келген жеті кәсіпкердің ісі соттан бір-ақ шығыпты. Құжаттарын құнттамақ түгілі, тәтті тағамға қосатын тауар сапасына мән бермегені үшін ескерту алған. Қателігін жөндеудің орнына саудасын қыздырып келген.

«Медициналық тексеруден дер кезінде өтпеу, фортификацияланбаған ұнды пайдалану, өндірістік бақылаудың болмауы, кейбір азық-түліктердің сапасын және қауіпсіздігін дәлелдейтін құжаттарының болмауы жабуға себеп болды. Залалсыздандыру заттары жеткілікті мөлшерде еместігі, арнайы жұмыс киімінің толық еместігі және басқа да кемшіліктері бар. Анықталған кемшіліктер бойынша айыппұл салынды, кемшіліктерді жою туралы орындау мерзімі нақты көрсетілген хаттама толтырылды», — дедi Қоғамдық денсаулық сақтау департаментінің бас маманы Ұлжан Алибаева. 

Читать дальше

Популярное

Незаконное копирование материалов запрещено. Перепубликации возможны при условии активных ссылок на источник материалов не более 30 процентов копирования.

© Барлық құқықтар сақталған.