Connect with us

Самое интересное на сайте

Полиция департаментінің басшысы: «Шымкентте жемқор полицейлер бар»

Опубликовано

Пара алған полицей жұмысынан қуылады. 

Бүгін халық алдында есеп берген Шымкент қаласы полиция департаментінің басшысы, полиция полковнигі Ералы Жұмаханбетов саладағы сыбайлас жемқорлықпен күресіп жатқанын мәлімдеді. Ел арасында тәртіп сақшыларының өзі ақшаға құныққан деген сөзді жиі еститінін айтты. Бірақ, бірде-бір жан дәлелмен келмегенін жеткізді.

«Базардағы участковыйлар анау-мынау тиісетін болса, бірдеңе алатын болса, келіңіз. Аты-жөнін, нөмерін, жазып әкелсін. Біз ол кісілерді жазалаймыз, жұмыстан шығарамыз. Біз барынша, таза істеп жатырмыз, жұрттан қорқатын ешнәрсеміз жоқ. Ал енді коррупциямен күресіп жатырмыз, ол тікен емес қой, жұлып алып тастай салатын. Бар ішімізде, мойындаймыз оны. Онымен күнделікті, сағат, минут, секунд сайын күресіп жатырмыз. Мен оны ашық айта аламын. Егер алып жүрген, жеп қойған болса, есігім ашық, келіңіздер. Бірақ, дәлелмен келіңіздер»— деп түйді ойын.

Емін-еркін өткен жиын барысында, саланы бірге дамытып, құқықбұзушылықтың алдын алуға шақырды. Сөз алғандар жекелеген мәселелерін көтеріп, ашылмай жатқан қылмысқа полицейлерді тікелей кінәлады. Ал мегаполистің бас полицейі қателік кетсе, жөндейміз, шара көреміз деді.

«Үш мың қызметкердің ешқайсысын мен алып келген жоқпын. Олар өздеріңіздің балдарыңыз, біріңіздің бауырыңыз, біреуіңіздің әкеңіз. Енді біреуіңіздің көкеңіз. Олардың ішінде де түсінбеушіліктер болған шығар, жасалған қылмысты біз ашуымыз керек», — деді.

Сондай-ақ, қалада участкелік полицейлердің жетпейтінін жария етті. Одан бөлек, мектеп инспекторларының саны да аз екенін мәлімдеді. Десе де, шаһардағы 144 орта білім беру орындарында жаяу жүргіншілер жолағы күні-түні күзетке алынғанын хабарлады. Есесіне, өзгенің ұл-қызына көзінің қарашығындай қарайтын қызметкерлердің өз балдарын тәрбиелеуге уақыттары жоғына назар аудартты. Айтпақшы, дәл осы жасөспірімдердің қатысуымен орын алатын қылмыстар саны 15 пайызға төмендегенін жеткізді. Полицияның рөлі ең соңғы шара екенін атап өткен Ералы Жұмаханбетов «Жанұя, мектеп, полиция» деген ұғымды санаға сіңіріп, дұрыс қабылдауымыз қажет деді.

Есебіне үңілсек: Қоғамдық орындарда жасалған қылмыстар- 5879, көшеде орын алған қылмыстар- 3140, бұрын сотты болғандармен жасалған қылмыстар — 966, мас күйінде жасалған қылмыстар — 330, топпен жасалған қылмыстар — 901, яғни, алдыңғы жылмен салыстырғанда 10-15 пайызға төмендегенін жеткізді. Бұған «Қауіпсіз қала» секілді шаралардың септігі тигенін жасырмады. Сондай-ақ, көшелерге орнатылған бейне-бақылау камераларының да көмегі тиген. Биыл тағы елу мыңға көбейтіп, қылмысты ашу жолын жеделдетуді қарастырып отырғанын жеткізді.

Ал алты айда алаяқтарға алданған жерлестерінің ісін барынша ашып, сотқа жолдаған. Орынтаққа отырғанына алты ай толғанын қайта-қайта ескертіп, атқарылатын шаралар ауқымының кең екенін айта отырды. Алты айдың алаяқтыққа қатысты тоқтап тұрған бір жарым мың қылмыстың үш жүзін ашып, сотқа жолдағанын айтты. Қалғандарын өз бақылауына алыпты. айтпақшы, алаяқтыққа келгенде адамдарды сақ болуға шақырды.

Жеткіншекті педофилден құтқарып қалған кейуана марапатталды

67 жастағы Оразкүл Айтжанованың ерлігі, көпке үлгі болды. 11 жасар баланы педофильден құтқарып қалған әжейді Шымкент қалалық ПД басшысы есептік кездесуде халық алдында марапаттады. Зейнеткердің жасөспірімді қылмыскерден арашалап қалған сәті бейнежазба арқылы елга таралған. Қайсарлық танытқан кейуана көпшіліктің ықаласына бөленген болатын. Зейнеткер балаға зорлық сипаттағы әрекет көрсеткен ер азаматты қылмыс үстінде ұстап, педофильге қатысты істің ашылуына көмектескен. Осы батылдығы үшін Оразкүл Айтжанованы бүгін қалалық ПД бастығы Ералы Жұмаханбетовтың өзі марапаттады.

Оразкүл Айтжанова

Еске сала кетейік, оқиға өткен жылдың шілде айында орын алған болатын. Шымкенттегі көпқабатты үйлердің бірінде ер кісі үйге кіре берістегі есікті жауып, баланы ұрып-соққан. Киімін шешіп, зорлық сипаттағы әрекеттерді жасаған. Баланың айқайлаған дауысын естіген егде жастағы әйел ішке кіріп, ер азаматты қуып шыққан. Әрі бұл оқиға осында орнатылған бейнебақылау камерасына да түсіп қалған еді. Қала тұрғындары аталған видеоны желі арқылы таратып, жұрттың наразылығын туғызған. Соңынан полицейлер күдіктіні қолға түсірді. Сот-медициналық сараптама жасалып, айыпталушыны кінәлі деп танып, педофил 15 жылға сотталды.

Самое интересное на сайте

Шымкенттегі ит пен мысыққа арналған қонақ үй туралы не білеміз?

Опубликовано

Иә-иә, ешқандай да қалыс оқыған жоқсыз. Кәдімгі ит пен мысықтар «тынығатын орынды» дәл Шымкенттен табуға болады. Бұл қонақ үй жанында әсемдік (груминг) салоны, күндізгі емхана, тіпті зоодүкен де бар. Яғни, тұтастай жануарларға арналған кешен. Егер сізде ит пен мысығыңыз болса, осы қызметтің бәрін қаланы шарламай-ақ бір жерден алып кете аласыз.

Үйшік, жатын орын, тіпті желдеткішке дейін бар

Қонақ үй үш бөлімнен тұрады.  Оның бірі мысықтарға арналса, кейінгілері ірі төбеттер мен ұсақ тұқымды иттерге арналған. Әр бөлмеде үй жануарына арналған жатын орын, үйшік, ыдыс-аяқ пен өзге де қажеттіліктер қарастырылған. Тіпті кейде ит пен мысық иелері сүйікті жануарының жағдайы үшін ойыншықтарын да бірге алып келеді. Мұны қонақ үй қызметкерлері келген үй жануарының бірнеше күннен соң өз иелері мен мекен еткен үйіне деген сағынышының алдын алады деп түсіндірді. Яғни, ойыншықтармен алаңсыз ойнап, өз үйінде жүргендей сезінеді екен. Айтпақшы, қонақ үйде желдеткіш те орнатылған. Осы ретте мұндағы баға туралы мәлімет сізді де қызықтырып отырған болу керек. Мысықтар үшін тәулігіне 1000 теңге, ал иттерге 1500 теңге алынады.  Бұл бағаның ішінде тазалық шаралары, күндізгі серуен, тамақтандыру секілді қызметтер кіреді. Ал олардың тағамын иелері өздерімен бірге алып келуі қажет. Себебі әр жануардың өзінің тамақтану рационы болады.

Әрбір ит пен мысық жеке бақылауға алынады

«Біз әрбір келген ит пен мысыққа ерекше назар аударамыз. Оларды серуендету үшін ауламыз да бар. Таза ауада серуен кезін де жекелей бақылаймыз. Себебі бәрін бірден аулаға шығарсақ, бір-бірімен ырылдасып қалуы мүмкін. Әсіресе үшінші-төртінші күн өткенде оларға ерекше тәсілмен мән беруге тырысамыз. Неге дейсіз ғой? Өйткені олар иелерін сағына бастайды. Тіпті кейбірінің көңіл күйі болмай, қамаулы тұрған бөлмесінен шықпай қояды», — деді қонақ үй қызметкерлері.

«Зооветсервис» кешенінің әкімшісі Нина Ивановна келушілердің әрбірінің өзіндік мінезі болатынын алға тартты. Бірі ойынды жақсы көрсе, енді бірі сабырлы келеді. Оны қонақ үйге өткізерде иелері айтады екен. Соған қарай күтім де жүргізіледі.

Қонақ үйге жылдың жаз мезгілінде келушілер көбейе түседі. Дәл сол уақытта көбі еңбек демалысына шығып, шет ел асып жатады. Кейбірі өзге қалаларға кетеді. Енді бір өзге де шаруаларымен жүреді. Сондай сәтте тұрғындар ит пен мысықтарын осы жерге алып келуді құп көреді. Қонақ үйде апталап, кейде бірнеше ай қонақ болатындар бар. Тек жаз ауасы емес, жыл он екі ай да бұл жерді мекен ететіндер жоқ емес.

«Қонақ үйдің ашылуының өзі қажеттіліктен туындады. Кешеннің бас дәрігері демалысқа кететін болып, үйіндегі үй жануарларын қалдыратын жер болмаған. Ол кісі бірнеше жануарды ұстайды. Күні бүгінге дейін бізге 787 келуші болды», — деп әңгімесі жалғаған кешен әкімшісі мына бір клиент туралы айтып берді.

Футболшының күшігі – тұрақты клиент

«Ордабасы» футбол клубында Сербиядан келген футболшы болды. Ол осында келісімшартпен ойнаған. Соның өте сүйкімді күшігі болды. «Мальтийская болонка» деп аталатын тұқымнан. Футболшыларды өзіңіз де білесіз ғой, үнемі жарыстарда жүреді. Сол күшік біздің тұрақты келушіміз еді. Бірақ өкініштісі,  күшікті Сербияда көлік қағып кетіпті», — деді Нина Ивановна.

«Вечерний ургант» жобасын көретін «Мадам» мысығы

Алматылық бір келіншек Шымкентке қонаққа келіп, біраз шаруаларын тындырып алмақ болып бірнеше күнге мысығын өткізеді. «Мадам» есімді мысық өзінің сылқымдылығымен қызметкерлердің есінде сақталып қалыпты. Ең қызығы, «Мадам» күн сайын кешкілік уақытта ресейлік «Вечерний ургант» жобасын көрмей ұйықтамайды екен. Өзінің IPad  планшеті — нағыз ойыншығы. Сол арқылы жобаны күн ұзаққа қарап отырады. Осыдан кейін кешен иесі қонақ үйдің әрбір бөлмесіне бір-бір планшеттен алуды көздепті. Бірақ кейінірек ол ойын өзгерткен.  

Ерекше айта кетерлігі, бұл зоологиялық кешенде иелері алып келіп, кейін хабарсыз кететіндері де бар. Оларды қызметкерлер өздеріне қалдырады. Мәселен, алты жастағы «Қазанбас» есімді төбет солардың бірі. Екі айлық кезінде емханаға ауыр сырқатпен келіп түскен оны иесі  өлтіре салыңдар деген екен. Бірақ, бас дәрігер кішкентай ғана күшікті емдеп, екінші өмір сыйлаған. Айтпақшы, емханаға ит пен мысықтарға отаның кез келген түрі жасалынады. Осы ретте кешен әкімшісі Нина Ивановна кей тұрғындарда жануарларға деген мейірімділік жоғалып барады деп қынжылды. Айтуынша, үйінде ит немесе мысық асырайтындар дұрыс күтпейді. Уақытысында егу жұмыстарын жасатпайды. Салдарынан жануар аурушаң болады. Тіпті кейде ит пен мысығын көшеге қалдырып, қатыгездік танытандар да көп деген ол жануарға кішкентай бала секілді күтім жасау керектігін алға тартты.

Әсемдік салонында Ресейде білім алған грумер еңбек етеді

Зоологиялық кешендегі груминг салоны туралы әңгіме тым бөлек. Ресейде білім алып келген грумер маманы Екатерина Мауэр ит пен мысық иелерінің талаптары жоғары деп отыр. Тек иелері емес, үй жануарының өздері де мінезді болып келеді екен. Шомылдырарда грумер маманына әлі үйренісе қоймағандары жатырқап жатады. Орынсыз мияулап немесе үріп мазаны алады. Бірақ маман мұны уақытша дейді. Уақыт өте үйренісіп, өз туысындай қабылдайды екен.

«Әсемдік салонында жүн қырқу, шомылдыру, «фенмен» кептіру, тарау, құлақтарын тазалау, тіпті тырнақтарын қысқартып, «жасанды тырнақ» та жабыстырып береміз. «Жасанды тырнақ» жиһаздарды бүлдірудің алдын алады. Яғни, табиғи тырнаққа пластмассадан жасалынған қалпақша жабыстырылады. Осы уақытқа дейін түрлі клиентті кездестірдім. Алғаш рет келгендер ит пен мысығының мінез-құлқын, талғамын айтады. Соған қарай қызмет көрсетеміз. Алғашында жатырқағандары кейінірек үйренісіп, тіпті біздің қызметімізге риза болып, ұзақ қоштасады. Бетімізден сүйіп, көздерінен балбұл жайнаған әсерін де байқаймыз», — деді грумер.

Айтпақшы, әсемдік салонында шамунь мен бальзам, иіссулар мен түрлі жақпаларға дейін итальяндық «Милорд» компаниясының өнімдері қолданылады. «Біз үшін бірінші кезекте сапа» деген Екетарина Мауэр өз қызметінің құны ит пен мысықтың салмағы мен көлеміне қарай өзгеріп отыратынын айтты. Мәселен, мысықты шомылдырып, кептіру, жүнін қырқу, құлағын тазалау ақысы 3500 теңгеден, дәл сол қызмет түрлері иттер үшін 4500 теңгеден басталады. Грумер қызметіне жылдың жаз бен көктем мезгілдеріне сұраныс жоғарылай түседі. 

Читать дальше

Самое интересное на сайте

Аким Шымкента зарезал барана на праздновании Наурыза

Опубликовано

Празднование  Наурыза в Шымкенте началось на берегу реки Кошкар-ата. Аким города Габидулла Абдрахимов принес барана в жертву. 

Наурыз шымкентцы начали праздновать на берегу реки Кошкар-ата.  Здесь проводились национальные обряды и массовые гулянья.

У истока реки были установлены три большие юрты, в каждом из них по обычаю готовили национальные блюда и накрывали дастархан. Тонну баурсаков приготовили для сегодняшнего праздника. Но главным угощением на столе был наурыз-коже. На берегу Кошкар-аты сегодня приготовили 300 литров этого блюда.

Пришедший поздравить горожан аким Габидулла Абдрахимов участвовал в обряде жертвоприношения — несколько человек зарезали барана на Наурыз. Абдрахимова также попросили провести обряд «тусау кесу» — чиновник по традиции «перерезал путы» годовалой девочке и пожелал ей счастливого будущего. 

Национальные игры — куресу (борьба) и кошкар-котеру (состязание по поднятию барана) — являются неотъемлемой частью праздника Наурыз. Джигиты мерились силами и по очереди поднимали барана весом более 40 кг. Самым сильным в состязании признали мужчину, сумевшего поднять животное на плечах более сотни раз.

Пожилые гости праздника пели национальные песни. На праздник привезли беркутов, лошадей и верблюдов. 

Читать дальше

Самое интересное на сайте

Түркістан облысында көлік апатынан 3 бала мен ер кісі мерт болды

Опубликовано

Оқиға бүгін Шымкент-Самара тас жолының 115 шақырымында, яғни, Түркістан облысында орын алған. ​Daewoo Nexia және Hyundai Starex минивэн жеңіл автокөлігі соқтығысты. Екі көліктің соқтығысуы салдарынан 5 жастағы екі бүлдіршін мен 15-тегі жасөспірім ауруханаға барар жолда көз жұмды. Апат орын алған жерге Түркістан облыстың полиция департаментінің басшысы барды. Бұл туралы ҚР ІІМ хабарлады. 

«Ірі көлік апатынан соң зардап шеккендер дереу ауруханаға жеткізілді. Өкінішке орай үшеуі қайтыс болды. Тағы екі ер кісі, яғни, екі жүргізуші медицина мекемесіне ауыр халде түсті. Оның біреуі ауруханада көз жұмды» делінген ведомство хабарламасында.   

Читать дальше

Популярное

Незаконное копирование материалов запрещено. Перепубликации возможны при условии активных ссылок на источник материалов не более 30 процентов копирования.

© Барлық құқықтар сақталған.