Connect with us

Новости

Жекеменшік клиникада қайтыс болған полицей ісі сотқа өтті

Опубликовано

Шымкентте өткен жылдың қыркүйек айында медицина мекемесінде жан тапсырған полицей өліміне қатысты қылмыстық іс Әл-Фараби аудандық сотында қаралып жатыр.

Қылмыстық кодексінің 317-бабының 3-бөлігі, яғни, «Медициналық қызметкердің кәсіби міндеттерін ұқыпсыз қарауы салдарынан тиісінше орындамауы, абайсызда адам өліміне әкеп соққан медициналық көмек көрсету тәртібі мен стандарттарын сақтамауы» бойынша қаладағы жекеменшік клиникалардың бірінің дәрігер-урологына айып тағылып отыр. 1981 жылы дүниеге келген дәрігерге тергеу кезінде ешқайда кетпеу туралы қолхат түріндегі бұлтартпау шарасы тағайындалған.  

Тергеу барысында белгілі болғаны айып тағылып отырған медицина қызметкерінің полицейді емдемек болған сәтте клиникалық қызмет көрсету үшін лицензиясы болмағаны анықталған. Тек ол емес, аталған клиникадағы акушер-гинекологтың да медициналық қызмет көрсетуге рұқсаты болмапты. Енді қос бірдей маманды лицензиясыз жұмысқа алған клиника басшылығы әкімшілік жауапқа тартылмақ.  Онымен қоймай, тексеру кезінде өзге талаптардың өрескел бұзылғаны анықталған. Соның ішінде санитарлы-эпидемиологиялық талаптар сақталмай келіпті. Ем қабылдау мен дәрігер кабинеттерінде жылы су қарастырылмаған, тазалық шаралары уақытылы жүргізілмей келген.   Медициналық құрылғыларды залалсыздандыру жұмыстарында да кемшіліктер шаш етектен.

Сотқа дейінгі тергеу кезінде айып тағылған дәрігер өз кінәсін мойындаған. Айта кетерлігі, ҚР Қылмыстық кодексінің 317-бабы, 3-бөлігі бойынша жауапқа тартылғандарға үш жылға дейін бұл салада еңбек етуге тыйым салынып, бес жылға дейін бас бостандығынан айырылу жазасы тағайындалады.

Еске сала кетсек, марқұм 30 жастағы полицейді бедеулік мәселесі мазалаған. Өткен жылдың тамызында дәрігерге қаралған ол тексеруден өтіп, қыркүйекте алғашқы емін қабылдайды. Бүйрегі сыр бере бастаған соң ол емді тоқтатады. Бірақ, дәрігер ағзада ондай құбылыстың орын алуы қалыпты жағдай екенін айтып, емді әрмен қарай жалғастыру керектігін айтқан көрінеді. 25 қыркүйек күні клиникаға келген полицей тағы да ем алып, кенеттен беті мен мойны қызара бастайды. Жөтел қысып, сілекей пайда болады. Санаулы минуттардан соң жүрегі тоқтап қайтыс болды.

Новости

Шымкенттік оқушыларға сол қолмен жазу үйретіліп жатыр

Опубликовано

Шаһардағы №90 мектептің оқушылары жаппай сол қолмен жазуға машықтанып жатыр.

Бастамаға білім ордасының басшысының өзі ұйытқы болған. Оқушылар сабақтан тыс уақытта сол қолмен диктант жазуға мәжбүр. Төрт жылдан бері аптасына бір рет 15 минуттарын сол қолмен жазу жазуға арнап келеді. Өзге мектептерде жоқ бұл дағдының оң өзгерістерін алдымен шәкірттер байқаған.

Бұл үрдісті балалардың ойлау қабілетін жақсарту үшін қолға алған. Мамандар сол қолмен жазу оң жақ мидың жұмысын жақсартады деп қосты. Бұл балалардың жылдам ойлауын қалыптастырып, кез-келген ситуациялық жағдайдан шығуға жол табуына көмектеседі екен.

Дария Жақсыбекова, мектеп оқушысы: «Менің математикама тікелей әсері болды. Бұрындары есептерді ойланып есептейтін болсақ, қазір екі қолмен жазуға байланысты тез есеп шығарамын. Сонымен қатар шығармашылық дамуға да тікелей әсерін тигізді. Өлең жаса бастадым, кішігірім. Өзім екі қолмен бірдей жазуға машықтана бастадым».

Читать дальше

Новости

Шымкентте дәрігерлер жетіспейді

Опубликовано

Үкіметтің жалақы мәселесін қайта қарауы тегін емес. Себебі, дәрігер жалақысының мардымсыз болғандығынан салада кадр тапшылығы орын алған. Сала мамандарының айтуына қарағанда, бүгіннің өзінде қалаға қырық шақты дәрігер жетіспейді. Фтизиолог, психолог, педиатр, акушер-гинеколог мамандары ауадай қажет дейді жауаптылар.

Айта өтейік, Шымкентте 3119 дәрігер қызмет атқарады. Сонымен қатар, 7796 орта буын қызметкер бар. Статистикаға сүйенсек, кадр тапшылығы 74 штаттық бірлікті құрайды дейді қалалық денсаулық сақтау басқарамасы басшысының міндетін атқарушы Ғалымжан Абишев.

«Қазір жас мамандарды жұмысқа тарту көзделуде. Ол үшін түрлі әлеуметтік бағдарламалардың тиімділігі зерделенуде. Ақ халаттыларды баспанамен қамту 7-20-25 бағдарламасы арқылы жүзеге асыру жоспарлануда» — деп қосты сала басшысы.

Саладағы маман тапшылығын жасырмай жария еткен Ғалымжан Абишев осы мамандықтар бойынша жұмыс істеймін дегендерге әрқашанда есік ашық екенін жеткізді.

Читать дальше

Новости

«Ет пен сүйектен жаралған, жүрегі бар» полицейлер көмекке келді

Опубликовано

«Құрсай» шағынауданында шыққан өрт, құтқарылған екі бала, және батыр — Бақытжан: бұл тіркестер тренд болып жатқанда, жапа шеккен отбасы тыс қалды.

Мұны алғашқылардың бірі болып, полицейлер байқады. Көмек қолын созып, материалдық қолдау көрсетті. Шымкент қалалық Полиция департаменті Абай аудандық полиция басқармасының ювеналдық полиция бөлімшесінің ұжымы өрт оқиғасынан аман қалған отбасыға қайырымдылық жасады. Қызметкерлер өртенген үйдің кәмелетке толмаған үш баласына көмек ретінде азық — түлік және көрпе жастық алып келіп тапсырды.

Еске сала кетсек, 16 ақпанда «Құрсай» шағынауданында үй өртеніп, 13 жастағы жеткіншек түтінге тұншығып үйде қалып кеткен екі баланы құтқарып қалған болатын. Балдары аман қалған отбасы дымнан дымсыз қалды. Ішері асы, киерге киімі қалмаған. Тілсіз жаудың қоршауында қалған қос балақайдың өмірін сақтап қалған Бақытжан Беркінбайды төтеншеліктер мақтап, марапаттады.

Ізін сала, ҚР ІІМ Ерлан Тұрғымбаевтың алғысына бөленді. Өзі келіп қолын алмасада, құттықтауы мен медалі жетті. Мәртебелі марапатты Шымкент қаласы ПД-нің басшылығы табыстады. «Ет пен сүйектен жаралған, жүрегі бар» полицейлер анасына да құрмет көрсетті.

Читать дальше

Популярное

Незаконное копирование материалов запрещено. Перепубликации возможны при условии активных ссылок на источник материалов не более 30 процентов копирования.

© Барлық құқықтар сақталған.